Bedtime Banter

Always time for a wee Scots verse....the Bairns may be bigger now but come bedtime it'll be the same old story....

Bedtime Banter

Haw’ weans, yer startin’ tae nip ma heid,
Ye’ve hid yer tea, it’s time fir beid,
A’ ken that sisters like tae blether
But ye’ve goat yer maw at end o’ thether,.

Yer day’s bin braw, an’ yer homework’s swanky,
Yer nursery jumper’s come back manky,
A’ve let ye paint an’ get aw’ mingin’,
Splash in mud til yer claes were wringin’.

But noo it’s late an’ ye need yer kip,
An’ dinnae gie’s nae mair o’yer lip.
A’ get it, ye hid fun in the snaw,
But ye besoms ar’ drivin me up the wa’.

Aye, thir’s nae twa lassies could be mair bonny,
An’ sangs an’ hugs, a’ve gie’d ye monie,
But oan toberin’ ye, am startin tae swither,
A ask ye girls – dae ye no love yer mither???

Nae mair excuse aboot needin tae pee,
Ye ken, am gaspin’ fir some tea.
Noo, cuddle doon, waarm unner yer fleece,
Jist haud yer wheesht, an’ gie us peace!